Ouè, nos sens d'abôrd lé. Nos songiévons que serêt trôp ésiê por nos de tornar prendre des chançons que n'aviévons ja chantâ en concèrt, mas nan. Se n'on vôt travalyér sur la musica, liar les notes, fére des frâses musicâles, fôt s'ètampar (sè comparar). Mathieu l'at asse ben brâvament travalyê por que nos chantéssons més 'riond'. N'ens èprovâ de crovir les sons.
Et pués sâd prod, coment dens tués les côrs de chant, n'ens anotâ les chants por s'ensovegnir des nuances a fére lo jorn du concèrt, lo 23 de sèptembre u templo d'Einvèrdon-les-Bâgnes. L'arét dama Elisabeth Favre que vat remplaciér Mathieu por cél concèrt. L'est una jouena fran simpatica et doce. N'arens Aline d'Ans por nos acompagnér u piano. U templo n'arens lo plèrsir de povér empleyér un 'piano a cova'. Tandiu (Pendent) la velyê sera un piano èlèctronico, mas por douves chançons serat pas tant grave. J'é distribuâ ux côristos des chançons por chantar pèr Eiinvèrdon defoura des produccion oficièles. Vos poude (povéd) trovar douves celat: http://www.choeurpatoisvalais.ch/animacion.html Le chançon de "Petit Jian-Jian" en patoués de Saviése serat d'abôd lé avouéc... Aprés Einvèrdon, les rèpèticions continuont,et j'é betâ (metu, fechiê) le programo lé: http://www.choeurpatoisvalais.ch/quand.html Espèrens que les ancians membros du côr vant tornar et que Mathieu vat nos aprèstar un programo enteressient. Alens en dèvant! Le via l'est lé por sè rejoyir, tant que n'on pôt, d'a un? Dzakye
0 Comments
Bonjorn !
(J') É pas tant ben dromi. Le derriér tabè (‘rêve’) que j’é fét ére que j’aviévo doux chèques de cenquante mille francs dedens ux pochies. Il reprèsente probablament la mavua fonccion de prèsident du CVP ; su èta noma pèr aclamacion hièr (a côsa que nion ôtre voliéve avér la place). Ceti tabè motre adrét que j’é un pou puére des rèsponsabilitâts de ceta novèla fonccion… Rèpèticion L’aviévont tués una bôna vâla (‘humeur’). N’ens yu una bôna vouèrba (corse) d’èchôdement de la vouèx ; en particulièr por que n’èproviéssiens de chantar ‘més riond’, en particulièr les ‘a’. U temps de la rèpèticion, yaoue nos nos sens concentrâs sur « Quenta Via » et « Bonjorn Marie », Mathieu nos at fét respèctar les pianisimos que sont marcâs et l’at atèchiê por que nos chantèssens des ‘frâse musicâles’, en place de copar la musica en môrs (bocons). Le composicion de Mathieu, « Quenta Via » l’est fran béla et l’est pas ésiê (lêna) a chantar ; n’ens ben de chouses a tornar chantar en boclle et drét après fôt passar a d’ôtres chouses franc difèrentes ; nos regardens (gouètens) oncor pas prod en dèvant cen que nos devens chantar jesto après. L’Assemblâye Gènèrâla 2016 Ouè, n’ens yu l’Assemblâye Gènèrâla du côr hièr, que l’est éta franc ben animâye du prèsident Perro-Tonio Môre ; una structura cllâra qu’a fét tot alar en dèvant sens problèmo. Nos sens éta 49 mondos a l’assemblâye adonc n’ens oncor ben d’acuèt (d’ènèrg.ie), coment diont les Vôdouès. N’ens parlâ du concèrt que vent et Dzakye l’at prèsentâ coment l’est après enganciér (organisiér) les chouses avouéc des Friborgês por fére cél concèrt avouéc lor lo 26 de mêrs (mârs) 2017 en Martigny, et lo 1er d’avril dens u canton de Fribôrg. Nos sans (savens) que nos volens chantar a la féta d’Einvèrdon 2017 lo dessando 23 de sèptembre 2017 u concèrt de l’après-denar (après-miejorn) et a la velyê des associacions de patoués. Mas volens-nos asse ben animar la cèlèbracion oeucumènica du lendèman ? Dzakye et Mathieu songeont que serêt un pou complicâ, porquè (mémo se) l’arat ben des membros des associacions sur place ; d’ôtres serant lagnâs (mâféts) et vodrant tornar en Valês après lo spèctacllo de dessando nuét. Un membro l’at proposâ de participar a la féta cantonâla du patoués 2017 ; cen balyerêt més târd l’oportunitât de balyér des concèrts avouéc de tèâtro. Nos sens pas dedens la fèdèracion valêsana mas qui sât nos porrans étre invitês. N’ens possu devisar de tot cen et nos cognètre un pou mielx u tôrn d’un verro et d’un possegnon de chocolat, chips et biscuits de Chalendes. Grand mèrci a Perro-Tonio que l’aviéve organisiê tot cen et que l’at (bête!) ovêrt mémo-lui les fiôles de vin rôjo ! Premiéra rèpèticion avouéc l'orchèstroAh! Il balye quârque chousa, avouéc l'orchèstro. L'est tot més floratâ, l'at de côrps, l'at de gôt! Et pués sont des profèsionèls! Nos-e fôt nos-e velyér, nos-e concentrar. Oncor douves sènanes dèvant la rèpèticion que vent. Adonc, fôt oncor bossar. Il dêt et il vat tot étre adrét prôd ben. Nos serens prèsto! Heroxament que noutro dirèctor Mathieu Constantin l'at balyê ben des chouses a fére chantar ux solistos. N'ens ja prôd de chouses a fére por fére tot jesto cen que n'ens a chantar! Châque moment de la via pôt étre una sôrta de féta. Et cél jorn l'est éta una féta por mè. Adonc, coment l'est-il passâ? Vèso partagiér cen avouéc vos! Una béla demengeJ'é bougiê tant qu'u chatél de la Séya avouéc la camarâda [canbrâda] a mè, et pués aprés denar, faliéve rèpètar sur la loûye (lo barcon) u grand solèly! Dèvant la rèpèticion: bas pèr lo Grand-Pont, en SionL'est tot lo temps (tot du long, tojorn) un plèsir de sè promènar pèr lo Grand-Pont. Surtot quand on at luésir (lo temps). L'at tant de chouses a règardar (gouétir), des dètalys que sont atant de dèmandes: su atechiê d'histouére. Tant de mistèros dedens la via des devantiérs (riéres, ansians) et dens les passês (les traces) que nos ant lessiêyes... De patoués mémo u ben meten (u bon, franc u meten) de la vela!ORB: Enchiéz nos ('Chez nous') A pârt de cen, l'aviéve ben sûr LE Sion que tués cognont (cognèssont)...Et Aprés pués... finalament, le rèpèticion !!!Avouéc l'orchèstro Et un journalisto de Canal 9! Que l'at fét lo rèportâjo bas desot. rèportâjo de Canal 9 (14 mârs 2016)Et les mavues vidèos !Éro talament content que yo avouéc (asse ben) j'é fét douves vidèos... Confèrence de Prèsse
Jeudi 10 mars 2016 à 9h00 à l'Espace Porte de Conthey - Rue de Conthey 20 - 1950 Sion Messe du 10.04.2016 à 17 h 00 L'aré un levré por siuvre la mèssa et tot comprendre porqué n'on sât pas lo patoués. Il y aura un livret pour suivre la messe et tout comprendre même si on ne sait pas le patois Nos sens dabôrd arrevâs.L'est le temps d'oncor tot mèlorar una brica, patinar tot cen, por lo grand jorn. Ben sûr l'est un pou damâjo de sè prèparar més qu'un an ren que por un concêrt, mas u jorn de hué il pôt tot étre enregistrâ... Dzakye sât pas oncor se vôt sè lanciér dens una prèsentacion de tot ce que sè passe sur la têla. Il serêt enteressient; fôtos instagram, entèrves sur audioboom.com, vidèos sur periscope et rècupèrêes sur 'katch.com'. L'est tot lo temps le quèstion; que pôt-il sèrvir? Vat-il pletot dèrengiér les mondos (gens) ou vat-il pletot fére plèsir a la fin da conta? Nos fesens tot pariér de bon travaly. Le patoués vat étre visiblo dens un cadro religiox que tués les Valêsans l'ant oncor sovent dens u cor. Nos nos rejouissens de cen! Vivessont noutres patoués arpitans (ou 'francoprovençals')! Vive le Côr Valêsan des Patouésans! Dzakye Bonjorn a tués! N'ens ja yu una massa (un monton) de de rèpèticions (lo 30 d'oût, les 13 et 27 de sèptembro, 11 et 25 d'octobre et 15 de novembro!). Nos travalyens, n'alens en dèvant. Tot marchie franc bien. Il nos-e réste (sôbre) nôf rèpèticions dèvant les rèpèticions avouéc l'orchèstre, la rèpèticion gènèrâla et la mèssa. Nos vodrens ja tot savér mas fôt travalyer. Le prèsident Pierre-Antoine Mauris continue a nos portar de bêre por les pôses. Et tués anmo ceti petit sèrvice que fét du ben. Dzakye l'at pas més portâ de vin por la fin de la rèpèticion. Cen l'est damâjo et il vat changiér. Rèstar diéx miutes tant qu'un quart d'hora por bêre un verro aprés la rèpèticion l'est normalament possiblo. Bon, il serêt oncor mielx de bêre un verro et de parlar patoués dèvant la rèpèticion... Dzakye vat tornar proposar cen.
De novèl d'abôrd: rèpèticion hué, lo 29 de novembro 2015 Tot de bon a vos! A revêre! Dzakye N'ens ben bossâ. Dèsot la chapèla feséve mémo bon; ben mouens chôd que dèfoura! D'abôrd que l'horèro l'at changiê dês quârque temps, l'at des uns que sont tornâ méson dèvant la rèpèticion. Portant l'horèro ére cllâr: dês 17 hores.... L'est pas tant grave (gramo). L'est pas tant ésiê de tot gouardar en téta. Nos fodrêt tornar distribuar les numèros du prèsident et de mè por celos que l'ant des dotances... N'ens reciu les novèles particions de la mèssa, avouéc l'émage pleina de simbolos valêsans et que n'on pôt regardar (gouétiér) de tués les biés (lâts). Por celos qu'èront pas lé, n'ens travalyê sur "Agné innochein", "Onóou a tè", et "Feuss dou Bon Jiou". Mathieu Constantin, le noutro dirèctor, l'at pas ren que fét travalyér les notes, mas les noutres orelyes (bouégnos). Les acôrds de la mèssa sont sovent ètranjos; una vouèx sè frote (ribe) l'y-at (des viâjos, des côps) avouéc un'ôtra! Adonc il nos fôt nos acotemar (habituar) a les aouire et pas s'ensarvagiér quand les notes bârront d'ense entre lors. L'est por cen que Mathieu l'at encoragiê d'aouire asse ben les bocons de musique avouéc TOTES les vouèx. Tot un programo por lo chôdtemps 2015. Bon chôdtemps a tués! Oun chodtemps trêze etéles por l'amor du FC Sion et les 200 ans du Valês dedens la Suisse! Dzakye Pèr la chapèla de Corbassiére, noutro dirèctor, Mathieu Constantin l'avét franc ben aprèstâ les chouses. N'ens tués reciu les notes de la mèssa de Monsior Dayer et d'ense n'ens possu d'abôrd possu enreyér de chantar. Mathieu ére un pou brivo (dirèct) mas povéve sè comprendre; faliéve lanciér lo travaly que vat culminar l'an que vent um mês d'avril avouéc un concêrt. N'ens rèpèta lo kyrie "Feuss du bon djyou" que n'avévons ja travalyê, mas ceti côp no sens alâs a la douce (dzoment, doucement). Le dirèctor nos at fét ben aouire les acôrd. En particuliér, un acôrd de ceti bocon semble (ressemble) a un acôrd de Jazz; sont les alti l'ant l'honor de changiér ceti acôrd clasico en acôrd franc espèciâl. N'ens asse ben enreyê de travalyér una novèla particion. Faliéve d'abôrd travalyér la prononciacion du tèxto en patoués d'Hèrèmence. Por cen, les doux Hèrèmensârds que nos ant aconsiu (rejouent) sont éta de valor. A propos de l'écritura des patoués, j'é envide de dére quârques mots por celos que l'ant pas tant aoui parlar. Les patoués des difèrents velâjos valêsans sont pas tués éta transcrits a la méma moda (maniére). Sovent, le mondo l'a fét cen "a mens", coment songiévont. Le problèmo l'est jestament que quand n'on vôt liére les patoués des ôtros cârros n'on pôt pas entèrprètar les signos coment en francês ou mémo coment le patoués a nos l'est écrit. L'est por rèmèdiar a ceti problèmo que la sociètât des Amis du patoués l'at fét en 1985 una ècritura fonètica comena (Vêre ceti articlo enque). Voué (Vôlo) oncor dére que ceta ècritura l'est pas a confondre avouéc l'ORB, l'ècritura de rèfèrence de Dominique Stich qu'emplèyo cèla (per enque) et que l'est una ècritura du meten, pletot basâe sur l'ètimologia que sur la prononciacion (Vêre les remarques que j'avévo ja fét sur l'ècritura de ceti sito). Le côp que vent nos sarens (serans) ôtra pârt por les rèpèticions parcièles. Fôt sè betar les notes dens la téta lo plus vito que possiblo, prôd sûr. D'ense n'arens més de plésir avouéc l'èxpression, l'enterprètacion! Vive lo chantar en patoués!
Dzakye L'est pèr Châtélnôf que nos nos sens rècontrâs. N'irons dens u pêlo de rèpèticion, pas por chantar ceti viâjo, mas por discutar des statuts. Le Perro-Tonio, le prèsident l'at ben mènâ cela sèance, en risent més que d'habituda; heroxament por lui que la prèssion des concèrts des 3 et 4 de janviér s'ére envanita!
L'avéve ben una cenquantanna de membros por ceta assemblâye, tot u tôrn d'una tâbla demèsurâbla! Les statuts sont éta discutas et la cotisacions l'est éta fixêe a 30 francs pèr an. N'ens pas besouen (manca, fôta) de tant de francs de cen que la fondacion du patoués nos sotent por prôd de chouses, mas l'est cen que sont tués prèstos a balyér. L'at mémo quârqu'un que l'at dèmandâ s'ére possîblo de balyér més que cen que l'est staturèro! Cen motre adrét (ben, franc) coment quârques un sont enragiês (atoris, passionês) du patoués! N'ens un novél membro du comitât; un g.endârme (gâpian) rètrètâ que l'est benvegnu por sotenir lo prèsedent et Dzakye, en particulièr quand n'ens des concèrts a organisiér (pas avant l'an que vent mas tot un...). Le prèsident l'at proposâ que châcon sè prèsentesse, cen que n'ens fét, quârques-un en patoués et dens la bôna vâla (humor). Perro-Tonion l'avét portâ d'égoue et de cllâr de pomes, adonc les côristes sont un pou éta rècompensâs d'étre sobrâ tant qu'a chavon! Avouéc tués les novéls membros fôt aprendre a sè cognètre, en chantent mas asse ben en cortèrgient! L'est tot forni. N'ens ja fét les douves serenârdes et l'est éta un trionfo! Nan, pas franc, mas n'ens yu més de spèctators que n'avévons espèrâ; ona centanna en Vessoûye ( Vissoie ) et u tôrn des doux cent per Nenda-Hôta ( Haute-Nendaz ).
A la fen du sècond concêrt, Mathieu ére gyèlârd èxtatique! L'avéve un grôs sourire sur la face et nos at franc ben mimâ un franc et cllar "Mèrci" jesto après la fen des dèrrriéres notes de musica. N'ens yu la visita u concèrt de Marcel Thürler, rèsponsâblo des patouésans de Fribourg et asse ben des patouésans enternacionâls. L'avéve Monsior Bovy rèsponsâblo des côrales Valêsannes, et asse ben Monsior Dayer, le compositor de la noutra futura mèssa en francoprovençâl (ou arpitan). L'avéve oncor cél que l'at fét les parôles por ceta mèssa mas j'é obliâ lo siô nom. Ouè, l'est tot ben alâ. N'ens amaeê (hèsitâ) quârques côps mas n'ens tot lo temps reussi de forni noutres chançons. L'avéve ben des pièces que semblâvont étre "rechintues" per les chantres: le cohèsion de tués s'est brâvament dèvèlopâe. Pèr Vessoûye, un film l'est éta fét et Mathieu l'at enregistrâ l'odiô. Per Nenda-Hôta, la méma chousa l'est éta féta per celos que s'ocupont du sito de patoués http://www.patoisdenendaz.ch/ . Ils vant colaborar avouéc nos por prèsentar noutro concêrt... En atendent, se vos-éd quârque chousa, s'o-vos plêt mandâd-mè (envoyêd-mè) les voutres fôtos ou enregistrèments por lo sito! Rèpèticion du 7 de dècembr0 2014Ren més qu'una dobla rèpèticion le 21 de dècembro et pués aprés l'arat noutres 'Serènârdes', les 3 et 4 de janviér 2014. M'at fét plèsir d'aouir que l'at des gens que serant d'acôrd de pas ren que sè rècontrar por chantar mas por devesar lo patoués por ègzemplo dèvant la rèpèticion; veyens qui l'est enteressiê et mémo se l'est ren qu'un petio groupo porquè pas èprovar de sè rècontrar dês lo mês de janviér desens 45 minutes dèvant la rèpèticion por dévesar/parlar/pregiér/barjacar/cotergiér lo patoués avouéc celos que l'ant envide (envie). Le comitât l'at èprovâ de tot discutar cen què fôt oncor organisiér dèvant les concerts. Dzakye vat s'ocupar du lévrêt des chants a distribuar u mondo que vent nos acutar. Pirro-Tounio vat vèrifiar totes sôrtes de chouses u tôrn du concèrt de Nenda-Hôta. Por Véssôye, l'est la famelye Constantin (sont cenq entremie nos!) que vat s'en ocupar.
|
DzakyeEt tués celos què vôlont partecipar... Archives
September 2017
ENVOYÊD-NOS VOUTRES FÔTOS ! |